Бугун Қарши тумани ҳокимлигида Қарши туман ҳокими ҳамда сектор раҳбарларининг 2020 йил ижтимоий-иқтисодий ривожланиш якунлари ва 2021 йил учун белгиланган устувор йўналишлар юзасидан туман аҳолиси ва депутатларга мурожаати бўлиб ўтди. Ҳаммамизга маълумки, яқинда 12-13 ноябрь кунлари Давлатимиз раҳбари муҳтарам Ш.М.Мирзиёев вилоятимизга ташрифлари давомида берган топшириқлари ижросини сўзсиз таъминлаш, Қарши тумани бўйича оғриқли нуқталарини халқ дарди ва менинг дардим деб билиб, туманимизни ижтимоий-иқтисодий ривожлантириш бўйича белгиланган устувор вазифа ва мақсадли параметрларни бажариш ҳолатини муҳокама қилиб, яна қўшимча резервларни ишга солиш чораларини кўришимиз, келгуси йил режаларини ҳозирданоқ белгилаб олишимиз кераклиги бизнинг муҳим вазифамиздир. Маълумки, пандемиянинг туман иқтисодиётига бўлган салбий таъсирини юмшатиш бўйича самарали чоралар кўриш иқтисодиёт тармоқларини қўллаб-қуввватлаш ва уларнинг барқарорлигини таъминлашга…

Бугун Халқ депутатлари Қарши шаҳар Кенгашининг навбатдаги сессияси бўлиб ўтди. Унда Қарши шаҳар ҳокими Нормўмин Холбоев 2020 йилда амалга оширилган ишлар ва 2021 йилда ҳудудни ижтимоий-иқтисодий ривожлантиришнинг энг устивор йўналишлари тўғрисида Шаҳар аҳолисига мурожаат этди. Қарши шаҳри вилоятнинг маркази сифатида 1926 йилда ташкил этилган бўлиб, умумий майдони 0,076 минг кв. километрни ташкил этади. Шаҳар аҳолиси 277 мингдан ортиқ. Қарши шаҳрида жорий йилда 220 млрд. 508 млн. сўмлик 33 та лойиҳа амалга оширилиб, натижада 371 та янги иш ўринлари яратилди. 4 та МФЙдаги 17 гектар майдонда янги кичик саноат зоналари ташкил этилмоқда. Қарши шаҳрида фаолият юритаетган тадбиркорлар сони 10 089 тани ташкил этади. 2020 йилнинг ўтган даврида 853 та янги тадбиркорлик…

Бугун Қарши шаҳридаги «Журналистлар уйи» биносида Ўзбекистон Республикаси Вазирлар Маҳкамаси ҳузуридаги Агросаноат мажмуи устидан назорат қилиш инспекцияси Қашқадарё вилоят бошқармаси бошлиғи ўринбосари Шахобиддин Норов ва масъул ҳодимлар иштирокида “Қишлоқ хўжалиги тизимида 11 ой давомида аниқланган маъмурий ҳуқуқбузарликлар ва уларни олдини олиш” юзасидан амалга оширилган ишлар мавзусида матбуот анжуман бўлиб ўтди. Анжуман қизғин муҳокама ва баҳсларга бой ўтди. Унда вилоятимиз ва республика миқёсида фаолият юритаётган журналист ва блогерлар иштирок этишди ва ўзларини қизиқтирган саволларига жавоб олдилар.  

Ҳар бир ижтимоий-сиёсий ва тарихий бирлик вакиллари қанча ўзларининг сиёсий, ҳуқуқий, маънавий ва миллий ўзлиги ва ижтимоий ҳаётни теранроқ ва атрофлича англай борсалар, шунча уларнинг сиёсий, ҳуқуқий, маънавий ва миллий онги ҳам ўсиб боради. Бу ҳолда улар ўзларининг мақсад ва манфаатларини ҳам теранроқ ва атрофлича англай бошлайдилар. Уларнинг онгидаги бундай ижобий ўзгаришлар, ўз навбатида уларнинг ғоя ва мафкураларининг ривож топишига олиб келади, чунки улар энди ўзларининг ғоя ва мафкураларида ўз мақсад ва манфаатларини тўлароқ ва яққолроқ ифода этишга эришадилар. Ҳар қандай мафкура қанча ҳақиқатга яқинроқ бўлса, у шунча ривож топган бўлади ва унинг ҳаётийлиги ва амалга ошиш имкониятлари ҳам анча ошади. Инсоният тарихида шундай мафкуралар амал қилганки, улар ҳақиқатдан анча…

Зойир Мирзаев Бирлашган Араб Амирликлари вакиллари билан учрашиб, ижтимоий-иқтисодий ва қишлоқ хўжалиги масалалари юзасидан музокаралар олиб борган, — дея хабар бермоқда вилоят ҳокимлиги Ахборот хизмати. Агар музокаралар ўзининг ижобий ечимини топса, қашқадарёликлар БААда тиббиёт, савдо-сотиқ, шахсий қўриқчи ва хонадон хизматларида қонуний тарзда ишлашлари, шунингдек, ушбу давлатда ҳуқуқлари ҳимояланган ҳолда фаолиятларини олиб бориши мумкин бўлади. Фақат улар вилоятнинг ўзида ўқитилган ҳолда юборилади. Шуни қайд этиш жоизки, 2021 йилдан ушбу давлат ва вилоятимиз ўртасида қишлоқ хўжалиги соҳасида ҳам бир қатор лойиҳаларни амалга ошириш бўйича шартномалар имзолашга келишиб олинди.

Айни кунларда Қашқадарё вилоятининг барча ҳудудларида аҳолини тиббий хатлов ва антропометриядан ўтказиш тадбирлари бошланди. Шу муносабат билан 3 декабрь куни мазкур жараённинг ташкил этилиши, уни ёритишда журналистлар эътибор қаратиши зарур бўлган ҳолатларга ойдинлик киритиш мақсадида Соғлиқни сақлаш вазирининг ўринбосари Элмира Боситхонова бошчилигидаги соҳа мутасаддилари иштирокида Қарши шаҳрида оммавий ахборот воситалари билан мулоқот ўтказилди. «Унда вазир ўринбосари ҳудудларида аҳолини тиббий хатлов ва антропометриядан ўтказиш жараёнлари ўзи нима экани, ундан кўзланган мақсад, кутилаётган натижалар, шунингдек, оммавий ахборот воситаларининг бу жараёнларда тиббиёт ходимлари билан ҳамкорлигининг аҳамияти ҳақида тавсиялар берди. Бундан ташқари, вилоятнинг соғлиқни сақлаш соҳасига масъул раҳбарлари иштирок этган мулоқотда тиббий хатлов ва антропометриядан ўтказиш тадбирларида маҳаллий ва давлат ҳокимияти органларининг вазифалари тақсимотига ҳам…

АОКА директори Асаджон Ходжаев Халқаро пресс-клубда 3 декабрь куни ўтказилган «Ўзбекистон Республикасининг Конституцияси ва қонунчилигида сўз ҳамда матбуот эркинлиги ва Ўзбекистонда ОАВни ривожлантириш жараёнлари» мавзусидаги давра суҳбатида ОАВлари фаолияти ҳақида ўз фикрини билдирди. «Ҳозирги замонда ахборотни беркитиб бўлмайди. Чунки замонавий технологиялар шуни кўрсатяптики, ахборотни бир жойда беркитган билан у барибир чиқади. Ҳозир ахборот эркин айланяпти ва бу сўз эркинлиги билан боғлиқ. Ўзбекистонда ахборот коммуникация технологияси ривожланиши натижасида шахс сўз эркинлиги, ҳақ-ҳуқуқларини талаб қилиш имконига эга бўлди. Одамлар ижтимоий тармоқларда ўз фикрларини билдиришяпти. Албатта, у ерда турли фикрлар юради, улар орасида танқидийлари ҳам бор. Ва бу танқидий фикрларни давлат бошқаруви органлари эшитиши керак. Ўзларининг фаолиятини шу берилган сўзлар орқали таҳлил қилиб, қанақа…

2 декабрь куни Ўзбекистон Республикаси Президенти Шавкат Мирзиёев мамлакатимизда амалий ташриф билан бўлиб турган Россия Федерацияси Президенти Администрацияси раҳбарининг ўринбосари Дмитрий Козак бошчилигидаги делегацияни қабул қилди. Олий даражадаги самарали мулоқот туфайли Ўзбекистон-Россия кўп қиррали ҳамкорлиги кейинги йилларда жадал суръат билан ривожланаётгани, стратегик шериклик ва иттифоқчилик муносабатлари мустаҳкамланиб бораётганини давлатимиз раҳбари катта мамнуният билан қайд этди. Дмитрий Козак Ўзбекистон Президентига самимий қабул учун миннатдорлик билдириб, Россия Президенти Владимир Путиннинг саломи ва энг эзгу тилакларини етказди. Бўлажак икки томонлама ва кўп томонлама форматдаги учрашувларга тайёргарлик кўриш ва уларни ўтказиш масалалари кўриб чиқилди. Ушбу тадбирлар кун тартибини аниқ амалий мазмун билан бойитишга алоҳида эътибор қаратилди. Халқаро сиёсатнинг айрим жиҳатлари юзасидан ҳам фикр алмашилди.

Президент Шавкат Мирзиёев раислигида 30 ноябрь куни ҳудудларда жамоат транспортини ривожлантириш чора-тадбирлари муҳокама қилинди. Жамоат транспорти – одамларнинг узоғини яқин қиладиган, аҳоли кайфиятига тўғридан-тўғри таъсир кўрсатадиган восита. Ўтган 10 ойда Халқ қабулхоналарига ушбу масалада 3 мингдан зиёд мурожаат бўлгани ҳам соҳада камчиликлар кўплигини кўрсатади. 23 ноябрь куни Тошкент шаҳрида жамоат транспортини бошқариш ва инфратузилмасини ривожлантириш лойиҳаси кўриб чиқилган эди. Ўшанда давлатимиз раҳбари бу янги тизимни бошқа шаҳарларда ҳам йўлга қўйиш бўйича кўрсатма берганди. Транспорт вазирлиги ва ҳокимликлар томонидан шу борадаги имкониятлар ўрганилиб, таклифлар тайёрланди. Йиғилишда ушбу таклифлар ҳар бир ҳудуддаги биттадан туман ва шаҳар мисолида муҳокама қилинди. Ҳисоб-китобларга кўра, мамлакатимиз бўйича кунига қарийб 20 миллион йўловчидан бор-йўғи 4,4 миллиони ёки…

30 ноябрь куни Ўзбекистон Республикаси Президенти томонидан “Ўзбекистон Республикасида хизмат кўрсатган геолог” фахрий унвонини таъсис этиш тўғрисида”ги қонун имзоланди. Мазкур фахрий унвон ер ости бойликлари геологияси ва қидируви соҳасини ривожлантириш, геология-қидирувга оид ишлаб чиқаришни кенгайтириш, минерал-хом ашё базасини яратиш ва мустаҳкамлаш, фойдали қазилма конларини очиш ва саноат йўсинида ўзлаштиришга топшириш, геология-қидирув ишларини амалга оширишда ва фойдали қазилмаларни қазиб олишда экологик жиҳатдан тоза илғор ва инновацион технологияларни ишлаб чиқиш ҳамда жорий этиш, соҳа учун чуқур билимга эга кадрлар тайёрлаш борасидаги катта хизматлари учун геология, геофизика, гидрогеология, томография-геодезия тармоғининг юқори малакали геологлари ва муҳандис-техник ходимларига ҳамда илмий-тадқиқот ва таълим муассасаларининг тажрибали мутахассисларига берилади.