Бугун Тошкентдаги «Пойтахт» бизнес-марказида “Оммавий ахборот воситалари тўғрисида”ги қонунга ўзгартиш ва қўшимчалар киритиш тўғрисидаги қонун лойиҳаси муҳокамасига бағишланган давра суҳбати бўлиб ўтди. Унда халқаро экспертлар, сенатор ва депутатлар, соҳа мутахассислари, мамлакатимиздаги ОАВ раҳбарлари, журналистлар ҳамда кенг жамоатчилик иштирок этди. Муҳокамада қонунга таклиф этилаётган қўшимча ва ўзгартиришлар юзасидан атрофлича маълумот берилди. Қайд этилишича, амалдаги “Оммавий ахборот воситалари тўғрисида”ги қонунга 2018 йилда ҳам зарур ўзгартиш ва қўшимчалар киритилган эди. Бугунги кунга келиб, ўтган икки йил вақт оралиғида соҳада ўзига хос янги давр бошланди. Ахборот макони иштирокчилари талаб ва эҳтиёжлари анчайин ўсди, давлат органлари ва оммавий ахборот воситалари ўртасидаги муносабатлар ҳам ошкоралик принципи асосида шаклланмоқда. Муҳокама қилинган қонун лойиҳасида муассисларнинг ОАВ олдидаги масъулиятини…

20-21-22 февраль кунлари Қарши шаҳридаги «Олимпия заҳиралари мактаб интернати» ёпиқ манежида “Саноат ярмаркаси ва кооперация биржаси” ва “Нефть-газ кооперация форуми” очилиши маросими бўлиб ўтади. Тадбир 20 февраль соат 10-00 да старт олади. Очилиш маросимида Қашқадарё вилояти ҳокими Зойир Мирзаев иштирок этиши кутилмоқда. Тадбирга барча ОАВ вакиллари ва блогерларни таклиф қиламиз.

Қарши шаҳридаги 18-сонли кўриш бўйича имконияти чекланган болалар учун ихтисослаштирилган давлат таълим муассасасига Миллий масс-медиани ривожлантириш ва қўллаб-қувватлаш жамоат фонди ҳамда Ахборот ва оммавий коммуникациялар агентлиги билан ҳамкорликда ташкил этилган “Кўнгил кўзи” лойиҳаси доирасида совғалар карвонининг иккинчи босқичи етиб келди. Лойиҳа доирасидаги китоблар карвонидан Брайль ёзувида чоп этилган ўн турдаги эллик саккиз дона ўқув қўлланмалари ва жаҳон адабиёти намуналари болаларга тантанали равишда топширилди. Таълим муассасаси раҳбари кўрсатилаётган эътибор ва ғамхўрлик учун лойиҳа раҳбарларига самимий миннатдорлик билдирар экан, тақдим этилган китоблар таълим муассасаси кутубхонаси фондини бойитиши билан бирга ўқувчиларнинг дунёқарашини юксалтиришда, таълим жараёнида юқори натижаларга эришишларида муҳим омил бўлишини таъкидлаб ўтди. Мазкур таълим даргоҳида таҳсил олаётган ўқувчилар ўзларига кўрсатилган бу каби…

Патентларнинг ярми Ўзбекистон фуқароларига, 38 фоизи Тожикистон фуқароларига, 6 фоизи Украина фуқароларига, 3 фоизи Озарбойжон ва Молдова фуқароларига берилган 2019 йил якунларига кўра, Москва бюджетининг меҳнат патентлари бўйича ишлаётган чет эл фуқароларидан даромади 18,3 миллиард рублни ташкил этди, бу 2018 йил даражасидан 5,2 фоизга кўп. Бу ҳақда Москва шаҳар мэриясининг иқтисодий сиёсат ва ривожланиш департаменти матбуот хизмати хабарида айтилган. «Москвада меҳнат патентлари бўйича ишлаётган чет эл фуқаролари 2019 йил учун Москва бюджетига 18,3 миллиард рубль ўтказдилар, бу 2018 йилга нисбатан 5,2 фоизга кўп», — дея департамент раҳбари Денис Тихоновнинг сўзларини келтиради матбуот хизмати. 2019 йилда Москвада 463,7 минг меҳнат патентлари берилди, бу 2018 йилга нисбатан 2,7 фоизга кўпдир. Тихоновнинг сўзларига…

Toshkent shahrining eng katta chorrahalaridan biri bo‘lgan Ohangaron va Parkent hamda Maxtumquli va Sharqiy aeroport ko‘chalarini bog‘lovchi yangi transport yechimi qurilishi davom ettirilmoqda Qurilishi 2018-yilning may oyida boshlangan mazkur loyiha mamlakatdagi dastlabki uch pog‘onalik transport yechimi hisoblanadi. Qayd etilishicha, uning atrofida birorta ham svetofor bo‘lmaydi. Avtomobillar barcha yo‘nalishda to‘xtovsiz harakatni davom ettirishi tufayli tirbandliklarning oldi olinadi. Ushbu transport yechimi “Ko‘prikqurilishloyiha” UK hamda “Boshtransloyiha” AJ mutaxassislari tomonidan ishlab chiqilgan bo‘lib, unga ko‘ra Ohangaron va Parkent ko‘chalari umumiy uzunligi 502 metr bo‘lgan tunnel uslubidagi yo‘l o‘tkazgich bilan bog‘lanadi. Tunnelning kengligi 26,7 metr, ko‘prik osti balandligi esa 5,5 metrni tashkil etadi. Loyihaning ikkinchi pog‘onasida 2 ta yo‘l o‘tkazgich barpo etilishi bilan umumiy diametri…

Аввал хабар қилганимиздек, Хитойдан учта чартер рейс орқали юртимизга олиб келинган фуқаролар Жаҳон соғлиқни сақлаш ташкилоти тавсиясига кўра,14 кун давоми (касалликнинг яширин даври)да тиббий кузатувга олиш мақсадида махсус тайёрланган муассасаларга жойлаштирилди. Ушбу муассасаларга жойлашган фуқаролар бу ердаги яратилган шарт-шароитлардан мамнун. Мисол учун “Бўстон” санаторийсига жорий йил 4 февраль куни Хитойнинг Пекин шаҳридан олиб келинган 250 нафар фуқаро жойлаштирилди. Мазкур тадбирларга тегишли тартибда касбий тайёргарликдан ўтказилган соҳанинг етакчи ва тажрибали мутахассислари жалб этилди. Маълумки, “Бўстон” санаторийси мамлакатимиздаги дам олувчилар учун барча қулайликка эга ва етарли шарт-шароитлар билан таъминланган сиҳатгоҳлардан бири ҳисобланади. – Хитойдаги нуфузли университетда ўқийман. Коронавирус эпидемияси туфайли, очиғи, бошида жудаям хавотирландим. Шундай қийин пайтда Президентимиз ташаббуси билан чартер рейси…

Тоғлик аҳолининг илмга, аниқроғи китобга меҳри бу қадар баланд эканлигини тасаввур этмаган эдим. Шаҳрисабз туманининг қўшни Тожикистон Республикасига туташ бўлган чекка ҳудудларидан бири “Сарчашма” қишлоғида вилоят ҳокимлиги ташаббуси билан кўчма кутубхонанинг етказиб берилиши қишлоқ аҳли учун катта бир байрамга айланиб кетди. Бу ерга ўзбек, рус ва тожик адабиётининг нодир намуналари, жаҳон адабиёти дурдоналаридан иборат мингга яқин бадиий адабиётлар ва ўқув хонаси сифатида жиҳозланган мазкур жамланма ёшу-қарини бирдек хурсанд этди, деб айтишга ҳақлиман.Шу муносабат билан бўлиб ўтган тантанада сўз олган қишлоқ аҳлининг фикрларидан буни англаш қийин эмас. Қолаверса воҳанинг чекка ҳудуди бўлишига қарамасдан мазкур қишлоқдаги мавжуд мактабда таҳсил бераётган ўқитувчиларнинг барчаси олий маълумотга эга эканликларининг ўзиёқ бу ерда илм-маърифатга бўлган катта…

Ўзбекистон Республикаси таълим муассасаларига ўқишга қабул қилиш бўйича Давлат комиссиясининг 2020 йил 4 февралдаги 12-сон баёни билан қўшни давлатлар (Қозоғистон, Қирғизистон ва Тожикистон)даги олий таълим муассасаларида таҳсил олаётган Ўзбекистон Республикаси фуқароларига ўқишни республикамиз олий таълим муассасаларига кўчириш бўйича ариза қабул қилишга руҳсат берилди. Қўшни давлатлардаги ўзбекистонлик талабаларнинг ўқишини республика олий таълим муассасаларига имтиҳонсиз кўчириш бўйича Қарши муҳандислик-иқтисодиёт институтида тузилган ишчи гуруҳ ўз фаолияти бошлади. Талабгорлар педагогика, математика, табиий фанлар, ишлаб чиқариш технологиялари, қишлоқ, ўрмон ва балиқ хўжалиги, қишлоқ хўжалигида менежмент, ветеринария, ирригация ва мелорация, муҳандислик иши, гуманитар фанлар, социология ва психология, журналистика ва ахборот, иқтисод, ҳуқуқ, компютер технологиялари ва инфонматика, алоқа ва ахборотлаштириш, телекоммуникация технологиялари, архитектура ва қурилиш, ижтимоий таъминот,…

Ўзбекистон Республикаси Президенти Администрацияси ҳузуридаги Ахборот ва оммавий коммуникациялар агентлигида Буюк Британия ҳукумати вакиллари ҳамда Ўзбекистондаги вазирлик ва идоралар ахборот хизматлари раҳбарлари иштирокида коммуникацияларни режалаштириш ва ОАВ билан ишлаш бўйича навбатдаги иккинчи семинар бўлиб ўтди. Тадбирда Ўзбекистоннинг бир қатор идоралари: Адлия вазирлиги, Бандлик ва меҳнат муносабатлари вазирлиги, Қишлоқ хўжалиги вазирлиги, Туризмни ривожлантириш давлат қўмитаси ва бошқа ташкилотлар матбуот котиблари иштирок этишди. Таъкидлаш жоизки, Буюк Британия мутахассислари 2019 йил октябрь ойидан буён идоралараро ва стратегик коммуникациялар соҳасида Британия тажрибасини ўрганиш, турли ахборот кампаниялари ўтказиш, ОАВ билан ишлаш ҳамда Ўзбекистоннинг ислоҳотлар дастурини амалга оширини қўллаб-қувватлаш ва кўмаклашишга қаратилган медиа-режа тузиш бўйича қатор семинарлар ўтказиб келмоқда. Семинарда 100дан ортиқ матбуот котиблари иштирок этди.…

Мамлакатимизда мустақиллик боис миллий анъаналаримиз қайта қадр топмоқда. Аммо, қай бир юрт, қай бир миллат бўлмасин аввало ўз она тили тараққиётига эътибор қилмас экан, у ерда ҳеч қандай юксалиш ҳам, тараққиёт ҳам бўлмаслиги барчага аён оддий ҳақиқат. Касбим тақазоси билан ўқувчиларга она тили ва адабиёт фанидан дарс бераман. Бир неча йиллик тажрибаларимдан келиб чиқиб айтишим мумкинки, эртанги кунимиз эгалари бўлмиш ёшларнинг маънавиятини юксалтиришда, уларнинг миллий ғурур туйғуларини тараққий эттиришда она тилимизнинг алоҳида ўрни бор. Бугун болаларда хорижий тилларни ўрганишга бўлган ҳаракат кучли, аммо ўз тилини мукаммал билмасдан туриб ўзга тилни ўрганиш, унга меҳр бериш осон иш эмас. Мамлакатимизда ўзбек тили тарққиётига кенг эътибор қаратилаётган бугунги кунда юрт истиқболи ва ривожини…