Давлатимиз раҳбари Тошкентнинг Яшнобод туманида барпо этилган Болалар миллий тиббиёт марказини бориб кўрди. (https://president.uz/uz/lists/view/3580)Бу ерда йилига 1,5 мингдан зиёд ноёб жарроҳлик амалиётларини бажариш имконияти мавжуд. Педиатрияда инновацион изланишлар олиб бориш, хорижий мутахассисларни жалб этган ҳолда мураккаб жарроҳлик амалиётлари ва юқори технологик муолажаларни ташкил этиш, тиббиёт мутахассислари тайёрлаш ва малакасини ошириш бўйича кўрсатмалар берилди. — Глава государства посетил (https://president.uz/ru/lists/view/3580) новый Национальный детский медицинский центр, построенный в Яшнабадском районе Ташкента. Здесь имеется возможность выполнять более 1,5 тысячи уникальных хирургических операций в год. Даны указания по проведению инновационных исследований в области педиатрии, организации сложных хирургических операций и высокотехнологичных процедур с привлечением иностранных специалистов, подготовке медицинских кадров.

Карантин даврида касаллик юқиши хавфидан келиб чиқиб, Республика махсус комиссияси қарори билан вақтинчалик чора сифатида пенсия ва нафақа пуллари пластик карталарга ўтказилаётган эди. Жорий йил 13 май куни бўлиб ўтган видеоселектор йиғилишида Президент Шавкат Мирзиёев топшириғи билан ушбу тартиб бекор қилинди ва пенсиялар яна нақд пулда тарқатилмоқда. Халқ банки белгиланган графиклар асосида ҳар ойнинг 4-27-санаси оралиғида карантин талабларига қатъий риоя қилган ҳолда пенсия ва нафақа пулларини нақд шаклда пенсионерларнинг уйларига етказиб беради.

Президентимиз пандемия шароитида аввалги берилган имтиёзларга қўшимча равишда тадбиркорлар ва аҳолини қўллаб-қувватлаш давом эттирилишини таъкидлади. Биринчидан, кичик бизнес ва фермер хўжаликларига ижтимоий солиқ ставкаси май-июль ойларида 12 фоиздан 1 фоизга туширилади. Иккинчидан, кичик бизнес вакиллари, якка тартибдаги тадбиркорлар келгуси уч ой давомида ер ва мол-мулк солиғидан озод этилади. Шунингдек, аввалги қарорга асосан, апрель-май ойларида 1 мингдан зиёд тадбиркорнинг ер ва мол-мулк солиқлари ва пенялари бўйича кечиктирилган 80 миллиард сўм тўловлари кечиб юборилади. Учинчидан, тадбиркорларга божхона тўловларини 120 кунгача кечиктириб тўлашга рухсат берилади. Тўртинчидан, эҳтиёжманд оилаларни янада қўллаб-қувватлаш мақсадида нафақа олувчи оилалар сони қўшимча 70 мингтага ёки 10 фоизга кўпайтирилиб, бюджетдан яна 200 миллиард сўм ажратилади. Бешинчидан, илгари ставкаси 22 фоизгача…

Адлия вазирлиги ҳузуридаги Интеллектуал мулк агентлигидан яқин кунларда кузатилган фавқулодда ҳодиса билан боғлиқ бўлган долзарб янгилик. Иншоотнинг мустаҳкамлигига таҳдид солувчи авариявий вазиятларни аниқлаш бўйича олиб борилган тадқиқотлар натижасида сув омборини тўлдириш ва бўшатиш учун дастур ишлаб чиқилди. Дастур сув сатҳининг максимал меъёрдан ошмаслигини таъминлайди ва сум омборининг иш режимини юқори аниқлик билан бошқаради. Дастур муаллифлари – Фурқат Ғаффаров, Азамат Исмоилов, Адҳам Боймуродов ва Анвар Ҳуррамовларга Ўзбекистон Республикасининг “Электрон ҳисоблаш машиналари учун яратилган дастурлар ва маълумотлар базаларининг ҳуқуқий ҳимояси тўғрисида” ги Қонунига мувофиқ, DGU 07858-сонли гувоҳнома берилди.

Ҳар бир сиёсий ва иқтисодий қудратга эга бўлган давлат ўзининг халқаро ўрнини юқорилатишга уринади — сиёсий ва иқтисодий нуфузини оширишга қаратилган чора-тадбирларни амалга оширади. Буни табиий ҳол деб қабул қилиш керак. Албатта бугунги шиддатли глобаллашув шароити дунё мамлакатлари ўртасида юз бераётган савдо-иқтисодий муносабатларнинг замонавий тенденциялари – халқаро меҳнат тақсимоти ва ихтисослашув имкониятларидан самарали фойдаланиш масалаларини чуқур тадқиқ этиш лозимлигини тақозо этмоқда. Шу ўринда миллий иқтисодиётлар олдида жаҳон ҳамжамиятига самарали интеграциялашувни чуқурлаштириш орқали ташқи иқтисодий сиёсатни доимий такомиллаштириб бориш вазифаси муҳим аҳамият касб этади. Мамлакатимизда ҳам ҳозирда кўплаб хорижий ва маҳаллий экспертларнинг қизғин муҳокамаларига сабаб бўлаётган масала бу Ўзбекистоннинг ЕОИИга ҳамкорлик масаласи ҳисобланади. Фикримизча, Ўзбекистоннинг ЕОИИга ҳамкорлик масаласини таҳлил қилиш орқали,…

ФРАНКФУРТ-МАЙН. 9 май. /«Дунё» АА/. Мамлакатимизнинг Франкфурт-Майн  шаҳридаги Бош консулхонаси вакиллари Хотира ва қадрлаш куни ҳамда Иккинчи жаҳон урушида қозонилган ғалабанинг 75 йиллиги муносабати билан ушбу шаҳардаги марказий қабристонда уруш қурбонлари хотирасига атаб ўрнатилган ёдгорлик пойига гулчамбар қўйди, деб хабар бермоқда «Дунё» АА мухбири. Иккинчи жаҳон урушида ҳалок бўлган ватандошларимиз хотирасига ҳурмат бажо келтирилиб, қуръон тиловат қилинди. Буюк ғалабанинг 75 йиллиги коронавирус пандемияси сабабли Германияда ҳам марказлашмаган тарзда ўтказилмоқда. Мазкур ёдгорлик мажмуасига МДҲ давлатларининг Франкфурт-Майндаги консуллик муассасалари ходимлари уруш қурбонлари хотирасини ёд этиш мақсадида  якка тартибда ташриф буюрмоқда. Франкфурт-Майн шаҳридаги марказий қабристонда Иккинчи жаҳон урушида қурбон бўлган 50 га яқин совет аскарининг қабрлари сақланиб қолган. Улар орасида ўзбекистонлик аскарлар ҳам…

Бугун Қашқадарё воҳасида элимиз сабрсизлик билан кутган хушхабар тарқалди. Қисқа вақт ичида дунёни ларзага солган коронавирус номи билан тарқалган касалликнинг чекина бошлаганлиги яққол кўрина бошлади. Вилоят ҳокимининг таклиф ва ташаббуслари эътиборга олиниб, Республика махсус комиссиясининг қарорига асосан вилоятимиз ҳудуди 2020 йилнинг 6 май санасидан — «Яшил» тоифадаги ҳудуд — коронавирус инфекциясига чалинган шахслар аниқланмаган (ёки аниқланган шахслар тўлиқ соғайган) ҳудуд деб эълон қилинди. «Яшил» тоифадаги ҳудудларда йўналишсиз таксиларга йўловчи ташишга, ноозиқ-овқат маҳсулотлари савдоси, сартарошхона ва гўзаллик салонлари ҳамда савдо мажмуалари фаолият юритишига қуйидаги талаблар асосидагина рухсат берилди: ЙЎНАЛИШСИЗ ТАКСИЛАР — йўловчи ташиш учун автотранспорт воситаси салонида ҳайдовчи ўриндиғи йўловчилар ўриндиғидан шаффоф пластик ёки махсус плёнка билан тўсилган бўлиши, ҳайдовчи ва…

Республика махсус комиссиясининг 2020 йил 6 майдаги йиғилиши баёнига мувофиқ коронавирус тарқалиши ҳолатининг ҳудудлар кесимидаги таҳлилидан келиб чиқиб, карантин чекловлари жорий йил 8 майидан бошлаб қуйидаги учта тоифага кирувчи ҳудудларга ажратилиб, босқичма босқич бекор қилиб борилади. 🔴 Биринчи — «қизил» тоифадаги ҳудуд — охирги 14 кун ичида коронавирус инфекциясига чалинган шахслар аниқланган ҳудудлар: ➖ Қорақалпоғистон Республикаси, ➖ Андижон, ➖ Наманган, ➖ Фарғона, ➖ Самарқанд, ➖ Тошкент, ➖ Бухоро ва ➖ Сирдарё вилоятлари. 🚫 Бунда «қизил» ҳудудда мавжуд карантин чекловлари сақлаб қолинади ҳамда вазиятга қараб қайта кўриб чиқилади. ❗️»Қизил» ҳудудларда қуйидаги фаолият турларига РУХСАТ БЕРИЛАДИ: 🔹 озиқ-овқат савдо дўконлари, ноозиқ-овқат маҳсулотлари улгуржи савдо дўконлари, қурилиш материаллари бозорлари, тикувчилик ва бичувчилик цехлари,…

Бугун Ахборот ва оммавий коммуникациялар агентлиги ҳузурида ташкил этилган Штабда мамлакатимизда коронавирус инфекцияси тарқалишининг олдини олиш, унинг аҳоли турмуш даражасига ва иқтисодиёт тармоқларига салбий таъсирини юмшатишга қаратилган қатъий   чоралар юзасидан брифинг бўлиб ўтди. Брифингда Бош прокурор ўринбосари Эркин Йўлдошев ва журналистлар иштирок этди. «Ишлаб чиқарувчи ёки улгуржи савдода нарх сунъий оширилса, табиийки, чакана савдода ҳам нарх кўтарилади. Шу боис, музлатгичли омборхоналар ва улгуржи тарқатиш базаларида товарларни қиммат нархда сотиш ҳолатларига йўл қўймаслик чоралари кўрилмоқда, — деди Эркин Йўлдошев. — Биргина мисол, яқинда бир МЧЖга четдан Ўзбекистонга картошка олиб келиши учун 1 миллионн доллар кредит ажратилиши, темир йўлларда картошкани ташишда имтиёзли нарх белгиланишида амалий ёрдам кўрсатилди. Бундай мисоллар кўп. Ўтган…